கள்ளக்குறிச்சியில் கலைச்சங்கமம் கலை விழா

தமிழ்நாடு இயல் இசை நாடக மன்றம், முன்னாள் முதல்வர் கருணாநிதி நுாற்றாண்டு விழாவை முன்னிட்டு கள்ளக்குறிச்சி ஏ.கே.டி., பள்ளியில் புத்தகத் திருவிழா நடைபெற்று வருகிறது. அரங்கில் கலைச்சங்கமம் கலை விழா நடந்தது. இதில் 100க்கும் மேற்பட்ட கலைஞர்கள் பங்கேற்ற நாதஸ்வர நையாண்டி கரகாட்டம், காவடி ஆட்டம், பம்பை உடுக்கை தெருக்கூத்து, பெரிய மேளம், தப்பாட்டம் உள்ளிட்ட பல்வேறு கலை நிகழ்ச்சிகள் நடந்தது. இயல் இசை நாடக மன்ற விழா ஒருங்கிணைப்பாளர் ஜெயராஜ் மற்றும் கலைச் சங்கமம் குழுவினர், பொதுமக்கள் பங்கேற்றனர்.