கள்ளக்குறிச்சி திமுக வேட்பாளர் தீவிர பிரச்சாரம்

சங்கராபுரம் ஒன்றியத்தில் கிராமம், கிராமமாக சென்று மக்களை சந்தித்து தி.மு.க., வேட்பாளர் மலையரசன் ஓட்டு சேகரித்தார். சங்கராபுரம் தெற்கு ஒன்றிய ஊராட்சிகளில், கள்ளக்குறிச்சி லோக்சபா தொகுதி தி.மு.க., வேட்பாளர் மலையரசன் நேற்று ஓட்டு சேகரித்தார். வடக்கு மாவட்ட செயலாளர் உதயசூரியன் எம்.எல்.ஏ., தலைமை தாங்கினார்.

மாநில மகளிரணி அங்கையற்கண்ணி, ஒன்றிய செயலாளர்கள் அசோக்குமார், ஆறுமுகம், ஒன்றிய சேர்மன் திலகவதி நாகராஜன், நகர செயலாளர் துரை முன்னிலை வகித்தனர். மூரார்பாளையம், சோழம்பட்டு, சேஷசமுத்திரம், எஸ்.வி., பாளையம், புத்திராம்பட்டு, பழையனுார், தேவபாண்டலம் உட்பட 25க்கும் மேற்பட்ட கிராமங்களில் வேட்பாளர் மலையரசன் ஓட்டு சேகரித்ததார். பல ஊர்களின் பெண்கள் ஆரத்தி எடுத்து அவரை வரவேற்றனர்.