கள்ளக்குறிச்சி தெற்கு மாவட்ட திமுக செயற்குழு கூட்டம் !!

கள்ளக்குறிச்சி தெற்கு மாவட்ட தி.மு.க., செயற்குழு கூட்டம் வரும் 27ம் தேதி நடக்கிறது. இதுகுறித்து மாவட்ட செயலாளர் வசந்தம் கார்த்திகேயன் எம்.எல்.ஏ., செய்திக் குறிப்பு: முன்னாள் முதல்வர் கருணாநிதி நுாற்றாண்டு நிறைவு விழா மற்றும் கட்சியின் ஆக்கப்பணிகள் குறித்து ஆலோசனை நடத்த கள்ளக்குறிச்சி தெற்கு மாவட்ட தி.மு.க., செயற்குழு ஆலோசனைக் கூட்டத்திற்கு ஏற்பாடு செய்யப்பட்டுள்ளது.

வரும் 27ம் தேதி காலை 10:00 மணிக்கு மாவட்ட அலுவலகத்தில் அவைத் தலைவர் ராமமூர்த்தி தலைமையில் நடைபெற உள்ளது. மாநில, மாவட்ட நிர்வாகிகள், தலைமை செயற்குழு மற்றும் பொதுக்குழு உறுப்பினர்கள், ஒன்றிய, நகர, பேரூராட்சி செயலாளர்கள், மாவட்ட சார்பு அணி அமைப்பாளர்கள், துணை அமைப்பாளர்கள் மற்றும் மாவட்ட பிரதிநிதிகள் அனைவரும் தவறாமல் பங்கேற்க வேண்டும். இவ்வாறு செய்திக்குறிப்பில் கூறப்பட்டுள்ளது.