காஞ்சி கச்சபேஸ்வரர் கோவிலில் உண்டியல் வருமானம் ரூ. 6.64 லட்சம்

காஞ்சிபுரத்தில் பிரசித்திபெற்ற கச்சபேஸ்வரர் கோவிலுக்கு உள்ளூர் மற்றும் வெளியூர்களில் இருந்து தினமும் ஆயிரக்கணக்கான பக்தர்கள் சுவாமி தரிசனத்திற்கு வந்து செல்கின்றனர். அவ்வாறு கோவிலுக்கு வரும் பக்தர்கள், நேர்த்திக்கடனாக உண்டியலில் செலுத்தும் காணிக்கை தொகை, ஹிந்து சமய அறநிலையத்துறை சார்பில், உண்டியல் திறக்கப்பட்டு எண்ணப்படுகிறது.

அதன்படி, கோவில் செயல் அலுவலர் நடராஜன்,ஹிந்து சமய அறநிலையத்துறை காஞ்சிபுரம் சரக ஆய்வாளர் பிரித்திகா மற்றும் பிற கோவில் செயல் அலுவலர்கள் முன்னிலையில் நேற்று கோவிலில் உள்ள உண்டியல்கள் திறக்கப்பட்டு, பக்தர்கள், தன்னார்வலர்கள் வாயிலாக உண்டியலில் இருந்த காணிக்கை எண்ணப்பட்டது.

இதில், 6 லட்சத்து 64 ஆயிரத்து 12 ரூபாய் ரொக்கமும், 7 கிராம் தங்கம், 310 கிராம் வெள்ளி என, கோவிலுக்கு வருவாயாக கிடைத்தது"