காஞ்சி தொகுதிக்கான ஓட்டு எண்ணும் பணியில்... 134 சுற்று!

காஞ்சிபுரம் லோக்சபா தொகுதிக்குட்பட்ட ஆறு சட்டசபை தொகுதிகளும் சேர்த்து, 134 சுற்றுகள் எண்ணப்பட்டு தேர்தல் முடிவுகள் அறிவிக்கப்பட உள்ளன.

மின்னணு இயந்திரத்திற்கான ஓட்டு எண்ணும் பணிக்கு, 14 மேஜைகள் அமைக்கப்படுகின்றன. அதிகபட்சமாக, செங்கல்பட்டு தொகுதியில், 31 சுற்றுகள் எண்ணப்பட உள்ளன. ஓட்டு எண்ணும் பணியில் ஈடுபடும் பணியாளர்களுக்கான பயிற்சி, கலெக்டர் கலைச்செல்வி தலைமையில், கலெக்டர் வளாகத்தில் நேற்று முன்தினம் நடந்தது. இதில் பங்கேற்ற அதிகாரிகள், ஊழியர்களுக்கு, தேர்தல் விதிமுறைகள் பற்றியும், அவற்றை பின்பற்ற வேண்டியது குறித்தும் தெளிவாக கூறப்பட்டது.