பூட்டிக்கிடந்த வீட்டில் குத்து விளக்கு, வெள்ளி பாத்திரங்கள் திருட்டு

கன்னியாகுமரி மாவட்டம் பரமார்த்தலிங்கபுரம் பகுதி காமராஜர் தெருவை சேர்ந்தவர் ரமேஷ். இவர் ஹைதராபாத்தில் உள்ள ஒரு தனியார் நிறுவனத்தில் பணிபுரிந்து வருகிறார். இதனால் குடும்பத்துடன் அவர் அங்கே தங்கி உள்ளார். எனவே இங்குள்ள வீட்டை பராமரிப்பதற்காக வேலை ஆட்களை பணியமத்தி உள்ளார்இந்த நிலையில் நேற்று காலை ரமேஷ் -ன் வீட்டுக்கு பணியாளர் சென்றுள்ளார். அப்போது வீட்டின் பின்பக்க கதவு உடைக்கப்பட்டுள்ளது கண்டு அதிர்ச்சி அடைந்தார்.

உடனே இது தொடர்பாக கன்னியாகுமரி போலீசில் புகார் அளித்தார்.போலீசார் சம்பவ இடத்திற்கு விரைந்து சென்று பார்வையிட்டனர். அப்போது வீட்டின் பூஜை அறையில் இருந்த வெள்ளி குத்துவிளக்குகள், வெள்ளி பாத்திரங்கள், வெள்ளி சிமிழ் மற்றும் வீட்டு உபயோகப் பாத்திரங்கள் உள்ளிட்ட பொருட்களை மர்ம நபர்கள் திருடி சென்றது தெரிய வந்தது. இது தொடர்பாக போலீசார் வழக்குப் பதிவு செய்து விசாரணை நடத்தி வருகின்றனர்.