கன்னியாகுமரி பாராளுமன்ற தொகுதி வேட்பாளர் அறிமுக கூட்டம்

கன்னியாகுமரி பாராளுமன்ற தொகுதிக்கான தேர்தல் மற்றும் விளவங்கோடு சட்டமன்ற தொகுதிக்கான இடைத்தேர்தல் ஏப்ரல் 19ஆம் தேதி நடைபெற உள்ளது. இதை தொடர்ந்து அரசியல் கட்சியினர்தேர்தல்வேலைகளில் தீவிரமாக ஈடுபட்டு வருகின்றனர்.விளவங்கோடு சட்டமன்ற தொகுதியில் நான்கு பெண் வேட்பாளர்கள் நிறுத்தப்பட்டு உள்ளனர். கன்னியாகுமரி பாராளுமன்ற தொகுதிக்கு காங்கிரஸ் கட்சி சார்பில் விஜய் வசந்த் போட்டியிடுகிறார் இதேபோன்று சட்டமன்ற தொகுதி இடைத்தேர்தலில் காங்கிரஸ் கட்சி சார்பில் தாரகை கத்பட் போட்டியிடுகிறார்.இந்தியா கூட்டணியின் கன்னியாகுமரி பாராளுமன்ற தொகுதி வேட்பாளர் விஜய் வசந்த் அவர்களின் வேட்பாளர் அறிமுகக் கூட்டம் திருவட்டாரை அடுத்த வேர்கிளம்பி பகுதியில் நடைபெற்றது. நிகழ்ச்சியில் அமைச்சர் மனோ தங்கராஜ் கலந்துகொண்டு பல்வேறு ஆலோசனைகளை வழங்கினார்.இந்நிகழ்வில் நடைபெற்ற கலந்தாலோசனையில், பாசிசத்தை வீழ்த்தி, இந்தியாவை காக்க இந்தியா கூட்டணியில் இடம்பெற்றுள்ள தோழமை கட்சிகளின் மாவட்ட நிர்வாகிகள், தொகுதி, நகர, ஒன்றிய, பேரூர் அளவிலான நிர்வாகிகள் மற்றும் முக்கிய தலைவர்கள் கலந்து கொண்டதாக அமைச்சர் மனோ தங்கராஜ் தெரிவித்தார்.