நிலப்பிரச்சனை தகராறில் பெண்ணிற்கு அடிஉதை..!
கரூர் மாவட்டத்தில் நிலப்பிரச்சனையில் உறவினர்கள் இடையே தகராறு பெண் ஒருவர் படுகாயமடைந்தார்.
கரூர் மாவட்டம் நல்லாட்சிபட்டி கிழக்கு தெருவை சேர்ந்தவர் சக்திவேல். இவரது மனைவி விஜயா. இவர்களுக்கும், உறவினரான மாயகிருஷ்ணன் என்பவரின் குடும்பத்தாருக்கும் இடையே நில பிரச்சனை இருந்து வந்துள்ளது. அது தொடர்பாக சக்திவேல் வீட்டின் முன்பு ஏற்பட்ட வாக்குவாதம் முற்றி, கைகலப்பாக மாறியது.
அதில் தடியால் சக்திவேல் மற்றும் விஜயா ஆகிய இருவரையும் மாயகிருஷ்ணன், பாலசுப்பிரமணி மற்றும் ரதி தாக்கியுள்ளனர். இந்த சம்பவத்தில் பலத்த காயம் அடைந்த விஜயாவை கரூர் அரசு மருத்துவக் கல்லூரி மருத்துவமனையில் சிகிச்சைக்காக அனுமதித்தனர். இந்த சம்பவம் தொடர்பாக சக்திவேல் அளித்த புகாரின் பேரில், விசாரணை மேற்கொண்ட போலீசார், மாயகிருஷ்ணன் மற்றும் பாலசுப்பிரமணி ஆகியோரை கைது செய்தனர்.
