கீரப்பாளையம் விசிக ஒன்றிய நிர்வாகிகள் ஆலோசனைக் கூட்டம் !

சிதம்பரம் நாடாளுமன்ற தொகுதிக்கு உட்பட்ட ஒருங்கிணைந்த கீரப்பாளையம் ஒன்றிய நிர்வாகிகள் ஆலோசனைக் கூட்டம் கடலூர் துணை மேயர் மற்றும் ஒருங்கிணைப்பாளர் தாமரைச்செல்வன் மற்றும் கடலூர் கிழக்கு மாவட்ட செயலாளர் அரங்க தமிழ் ஒளி ஆகியோர் தலைமையில் நடைபெற்றது. இந்த கூட்டத்திற்கு சிறப்பு அழைப்பாளராக மாநில துணை பொது செயலாளர் மற்றும் சிதம்பரம் சட்டமன்ற தொகுதி மேலிட பொறுப்பாளர் புதுவை பாவாணன் பங்கேற்று சிறப்புரை ஆற்றினார். இந்த நிகழ்ச்சிக்கு கீரை ஒன்றிய செயலாளர்கள் சாரதி அருண் ரஜினி ஆகியோர் முன்னிலை வகித்தனர். இந்த கூட்டத்தில் இன்று சிதம்பரத்தில் மாலை 3 மணிக்கு நடைபெற உள்ள விசிக தலைவர் திருமாவளவன் பங்கேற்க உள்ள செயல் வீரர்கள் கூட்டத்தில் பெருந்திரளாக பங்கேற்பது என்று முடிவு செய்யப்பட்டது. மேலும் வருகின்ற தேர்தலில் விசிக தலைவரை பல லட்சமாக வித்தியாசத்தில் வெற்றி பெற செய்வது என்று தீர்மானம் நிறைவேற்றப்பட்டது.