ரெட்டித்தோப்பில் கெங்கையம்மன் திருவிழா

வேலூர் மாவட்டம், கே.வி.குப்பம் ரெட்டித்தோப்பு கிராமத்தில் கெங்கையம்மன் திருவிழா நடைபெற்றது. விழாவையொட்டி அம்மன் சிரசு ஊர்வலமாகக் கொண்டு வரப்பட்டு, அலங்கரிக்கப்பட்ட அம்மன் உடலில் பொருத்தி, கண் திறப்பு நிகழ்ச்சி நடைபெற்றது.

இதில் திரளான பக்தர்கள் கலந்துகொண்டு சாமி தரிசனம் செய்தனர். விழாவில் பொங்கல் வைத்தல், கும்பசோறு படைத்தல், கூழ்வார்த்தல், அன்னதானம் வழங்குதல், வாண வேடிக்கையுடன் அம்மன் வீதியுலா ஆகியவை நடைபெற்றன. விழாவுக்கான ஏற்பாடுகளை விழாக்குழுவினர், பொதுமக்கள் செய்து இருந்தனர்.