கேரள தொழிலதிபர் கொலை - ஒருவரிடம் போலீசார் விசாரணை

குமரி மாவட்டம் தமிழக -கேரள எல்லை பகுதியான களியக்காவிளை அடுத்த ஒற்றாமரம் தேசிய நெடுஞ்சாலை ஓரம் நிறுத்தப்பட்டிருந்த சொகுசு காரில் நேற்று முன்தினம் நள்ளிரவு கேரளாவை சேர்ந்த கல்குவாரி உரிமையாளர் தீபு (44) என்பவர் மர்ம நபர்களால் கழுத்தை அறுத்து படுகொலை செய்யப்பட்டார். இந்த படுகொலை கேரள எல்லையில் பெரும் பதற்றத்தை ஏற்படுத்தியது. இந்நிலையில் குற்றவாளியை தமிழ்நாடு, கேரளா போலீசார் தேடி வந்த நிலையில் கேரளாவில் இன்று அம்பிளி என்ற நபரை சந்தேகத்தின் பெயரில் கன்னியாகுமரி மாவட்ட தனிப்படை போலீசார் பிடித்து மார்த்தாண்டம் காவல் நிலையத்தில் வைத்து விசாரணை நடத்தி வருகின்றனர்.