மழலையர் பள்ளி மாணவர்கள் உலக சாதனை!

புதுக்கோட்டை கீழ 4ம் வீதியில் உள்ள ஆரோவில் கிட்ஸ் மழலையர் மற்றும் தொடக்கப்பள்ளி மாணவ, மாணவிகள் அனைத்து மாநிலங்கள் மற்றும் தலைநகரங்களின் பெயர்களை மிக வேகமாக நினைவுப்படுத்தி ஒரு நிமிடத்தில் ஜீனியஸ் இன்டர்நேஷனல் புக் ஆப் ரெக்கார்ட்ஸ் உலக சாதனை புத்தகத்தில் இடம்பிடித்தனர். இதில் 3 வயது முதல் 10 வயது வரையுள்ள மாணவர்கள் பங்கேற்றனர். உலக சாதனைக்கான சான்றிதழை இன்டர்நேஷனல் புக் ஆப் ரெக்கார்ட்ஸ் நிர்வாகி சக்திவேல் வழங்கினார். தொடர்ந்து பள்ளி வளாகத்தில் நடந்த மாணவர்களுக்கான பாராட்டு விழாவுக்கு தாளாளர் வசந்த மீனா தலைமை வகித்தார். பள்ளி ஆலோசகர் சீனிவாசன் வரவேற்றார். எம்எல்ஏ முத் துராஜா சிறப்பு விருந்தினராக கலந்து கொண்டு மாணவர்களை பாராட்டினார். நகராட்சி கவுன்சிலர் காந்திமதி, பிரேம் ஆனந்த், நாகராஜன், மீனா பிரியா ஆகியோர் கலந்து கொண்டனர். உதயசந்திரிகா நன்றி கூறினார்.