வாரச்சந்தையில் கொமதேக வேட்பாளர் வாக்கு சேகரிப்பு

நாமக்கல் மக்களவை தொகுதி கொமதேக வேட்பாளர் சங்ககிரி வாரச்சந்தை உள்ளிட்ட நகரின் பல்வேறு பகுதிகளில் வாக்குசேகரிப்பில் ஈடுபட்டார். திமுக கூட்டணியில் நாமக்கல் மக்களவை தொகுதியில் கொங்குநாடு மக்கள் தேசிய கட்சியின் வேட்பாளர் வி.எஸ்.மாதேஸ்வரன் உதசூரியன் சின்னத்தில் போட்டியிடுகிறார். அதனையடுத்து அவர் சங்ககிரி அருகே உள்ள மஞ்சக்கல்பட்டி, ஆசிரியர் காலனி, வாரச்சந்தை உள்ளிட்ட நகரின் பல்வேறு பகுதிகளில் பொதுமக்களிடத்தில் வாக்கு சேகரித்தார். திமுக மேற்கு மாவட்ட துணைசெயலாளர் சுந்தரம், சங்ககிரி நகர செயலாளர் கே.எம்.முருகன், கலை இலக்கிய பகுத்தறிவு பேரவை மாவட்ட அமைப்பாளர் எஸ்.சரவணன், சங்ககிரி பேரூராட்சித்தலைவி எம்.மணிமொழிமுருகன், மாவட்ட மகளிர் தொண்டரணி மாவட்ட அமைப்பாளர் எஸ்.பி.நிர்மலா உள்ளிட்ட பலர் இதில் கலந்து கொண்டனர். இந்து மக்கள் கட்சியின் மாநிலத்தலைவர் அர்ஜூன்சம்பத் தற்போது சங்ககிரியில் பேசிக்கொண்டிருக்கிறார். முடிந்தவுடன் செய்தி பதிவு செய்யப்படும்