தென்காசி வடக்கு மாவட்ட திமுக சார்பில் கோலப்போட்டி

தென்காசி மாவட்டம், சங்கரன்கோவில் அரசு மகளிர் மேல்நிலைப்பள்ளி பகுதியில் வைத்து திராவிட முன்னேற்றக் கழகத்தின் தலைவரும், தமிழ்நாடு முதலமைச்சருமான மு.க.ஸ்டாலின் பிறந்த நாளை முன்னிட்டு தென்காசி வடக்கு மாவட்ட திமுக சார்பில் உலக மகளிர் தின மாபெரும் கோலப்போட்டி மற்றும் பரிசளிப்பு நிகழ்ச்சி நடைபெற்றது.

இந்த நிகழ்ச்சியானது தென்காசி வடக்கு மாவட்ட மகளிர் அணி அமைப்பாளர் சிவசங்கரி தலைமையில் நடைபெற்ற நிகழ்ச்சியில் சிறப்பு அழைப்பாளராக தென்காசி வடக்கு மாவட்ட திமுக செயலாளரும், சங்கரன்கோவில் சட்டமன்ற உறுப்பினருமான வழக்கறிஞர் ராஜா கலந்துகொண்டு சிறப்புரையாற்றினார்.

மேலும் இந்த நிகழ்ச்சியில் கோலப்போட்டியில் வெற்றி பெற்ற பெண்களுக்கு முதல் பரிசு ஃப்ரிட்ஜ் ஒன்றும், இரண்டாம் பரிசு ஏர்கூலர் ஒன்றும் , மூன்றாம் பரிசு மிக்சி ஒன்றும் வழங்கப்பட்டது.

மேலும் ஒருவருக்கு சிறப்பு பரிசும் வழங்கப்பட்ட நிலையில் கோலப்போட்டியில் கலந்து கொண்ட அனைவருக்கும் நினைவு பரிசுகள் வழங்கப்பட்டது. இந்த நிகழ்ச்சியில் நகர செயலாளர் பிரகாஷ், நகர துணை செயலாளர் சுப்புத்தாய் உள்ளிட்டோர் கலந்து கொண்டனர்.