கொன்னையூர் முத்துமாரியம்மன் கோயில் பொங்கல் விழா

பொன்னமராவதி: கொன்னையூர் முத்துமாரியம்மன் கோயிலில் பொன்னமராவதி பெரியார்நகர் பொதுமக்கள் பொங்கல் வைத்து வழிபட்டனர். கொன்னையூர் முத்துமாரியம்மன் கோயில் பொங்கல் விழா ஏப். 8-ஆம் தேதி தொடங்கியது. தொடர்ந்து தினமும் வெவ்வேறு பகுதியில் இருந்து பக்தர்கள் பொங்கல் கூடைகளை சுமந்து வந்துபொங்கல் வைத்து அம்மனை வழிபட்டுச் சென்றனர். இந்நிலையில், பொன்னமராவதி பெரியார்நகர் சார்பில் பெண்கள் பொங்கல் கூடையை மேளதாளத்துடன் ஊர்வலமாக சுமந்துச் சென்று அம்மனுக்கு பொங்கல் வைத்து வழிபட்டனர். பிறகு பொங்கல் பானைகளை மீண்டும் சுமந்து ஊர்வலமாக தங்கள் பகுதிக்கு திரும்பினர்.