வையப்பமலை சுப்பிரமணிய சுவாமி கோவிலில் கிரிவலம்

நாமக்கல் மாவட்டம், மல்லசமுத்திரம் அருகேயுள்ள, வையப்பமலை மலைக்குன்றின்மீது உள்ள, பிரசித்த பெற்ற மலைக்குன்றின்மீது அமைந்துள்ள சுப்ரமணிய சுவாமி கோவிலில் நேற்று, மார்கழிமாத பவுர்ணமி தினத்தை முன்னிட்டு, பகல் 12;30மணிக்கு மூலவருக்கு பால், தயிர், இளநீர் மற்றும் எண்ணற்ற மூலிகை திரவியங்களை கொண்டு, சிறப்பு அபிசேக ஆராதனை மற்றும் சத்து சம்ஹார திரிசதி பூஜை நடந்தது. 12;30மணிக்கு, மலையின் ஒருபகுதியில் அமைந்துள்ள கொங்கணசித்தர் குகையில் உச்சிகாலபூஜை நடந்தது.

மாலை 6மணிக்கு, அடிவார மண்டபத்தில் உள்ள ஸ்ரீவள்ளி தேவசேனா சமேத சுப்ரமணிய சுவாமிக்கு சிறப்பு பூஜைகள் நடந்து, தொடர்ந்து, கிரிவலம் நடந்தது. இரவு 8 மணிக்கு, மலைகுன்றின்மீதுள்ள முருகனுக்கு சிறப்பு அபிசேகம் நடந்தது. பக்தர்களுக்கு பிரசாதம் வழங்கப்பட்டது.