தவறவிட்ட பணத்தை பயணியிடம் ஒப்படைத்த ஓட்டுனர்,நடத்துனருக்கு பாராட்டு

விருதுநகர் மாவட்டம் ஸ்ரீவில்லிபுத்தூரிலிருந்து திருநெல்வேலி நோக்கி நேற்று சென்ற தனியார் பேருந்தில் வத்திராயிருப்பு பகுதியைச் சேர்ந்த ஆரோக்கியமேரி என்பவர் சென்றுள்ளார். அப்போது தனது பையில் வைத்திருந்த ரூபாய் 12,000 பணத்தை பேருந்திலேயே வைத்துவிட்டு கீழே இறங்கி விட்டார். பேருந்ந்து ஓட்டுநர் முத்துகிருஷ்ணன் மற்றும் நடத்துனர் பிரசாந்த் அந்த பணத்தை எடுத்து ஸ்ரீவில்லிபுத்தூர் காவல் துணை கண்காணிப்பாளர் முகேஷிடம் ஒப்படைத்துள்ளனர்.பின்னர் பணத்தை தவறவிட்ட ஆரோக்கியமேரியை காவல் நிலையத்திற்கு வரவழைத்து காவல் துணை கண்காணிப்பாளர் முன்னிலையில் ஓட்டுனர் மற்றும் நடத்துனர் பணத்தை ஒப்படைத்தனர். பேருந்து ஓட்டுநர் மற்றம் நடத்துனரின் இந்த செயலை பாராட்டி காவல் துணை கண்காணிப்பாளர் முகேஷ் அவர்கள் இருவருக்கும் சால்வை அணிவித்து மரியாதை செய்தார்.