டேக்வாண்டோ போட்டியில் வெற்றி பெற்ற அரசுப் பள்ளி மாணவிக்கு பாராட்டு

நாகை மாவட்டம் திருமருகல் ஒன்றியம் புறாக்கிராமம் அரசு மேல்நிலைப் பள்ளியில் 10-ம் வகுப்பு படிக்கும் அகல்யா என்ற மாணவி மாநில அளவிலான டேக்வாண்டோ போட்டியில் கலந்து கொண்டு வெற்றி பெற்றார். வெற்றி பெற்ற மாணவிக்கு நேற்று பாராட்டு விழா நடைபெற்றது. விழாவிற்கு பள்ளி தலைமை ஆசிரியர் மாணிக்கவாசகம் தலைமை தாங்கினார்.உதவி தலைமை ஆசிரியர் சிவசங்கரி முன்னிலை வகித்தார்.இதில் தமிழ்நாடு மற்றும் புதுச்சேரி மாநில டேக்வாண்டோ தலைவர் சுப்பிரமணியன் மற்றும் பள்ளியின் ஆசிரியர்கள் கலந்து கொண்டு டேக்வாண்டோ போட்டியில் வெற்றி பெற்ற மாணவி அகல்யா மற்றும் பயிற்சியாளர் பாண்டியன் இருவரையும் பாராட்டினர்.