அதிக மதிப்பெண்கள் பெற்ற மாணவர்களுக்கு பாராட்டு

வேலூர் கலெக்டர் அலுவலகம் அருகில் உள்ள அரசு ஊழியர் இல்லத்தில் , அரசு மற்றும் அரசு நிதி உதவி பெறும் பள்ளிகளில் படித்து, பத்தாம் வகுப்பு மற்றும் பிளஸ்-2 பொதுத்தேர்வில் அதிக மதிப்பெண்கள் பெற்று முதல் 3 இடங்களை பிடித்த மாணவ-மாணவிகளை பாராட்டி, தமிழ்நாடு முற்போக்கு எழுத்தாளர் கலைஞர்கள் சங்கம் சார்பில் விருது வழங்கும் நிகழ்ச்சி நடந்தது. நிகழ்ச்சியில் தமிழ்நாடு முற்போக்கு எழுத்தாளர் கலைஞர்கள் சங்க மாநில துணை பொதுச்செயலாளர் ஆர்.உமா, தமிழ்நாடு முற்போக்கு எழுத்தாளர் கலைஞர்கள் சங்க நிர்வாகி மா.சினேகலதா ஆகியோர் சிறப்பு விருந்தினர்களாக கலந்து கொண்டு, 20-க்கும் மேற்பட்ட பள்ளிகளை சேர்ந்த 100-க்கும் மேற்பட்ட மாணவ- மாணவிகளுக்கு விருதுகள் மற்றும் சான்றிதழ்கள் வழங்கி பாராட்டினர்.