ஆற்றல் மன்ற போட்டிகளில் வென்றவர்களுக்கு பாராட்டு

தமிழ்நாடு மின் உற்பத்தி மற்றும் பயிர்மான கழகம் தமிழ்நாடு அறிவியல் இயக்கம் ஆகியவற்றின் சார்பில் புதுக்கோட்டை மாவட்டம் அரசு பள்ளி மாணவர்களுக்கு நடத்தப்பட்ட ஆற்றல் மன்ற போட்டிகளில் வென்றோர்க்கு பரிசுகள் வழங்கும் நிகழ்ச்சி நடைபெற்றது. பள்ளிகளில் செயல்படும் ஆற்றல் மன்றங்கள் மூலம் மாணவர்கள் இடையே பேச்சு, கட்டுரை மற்றும் ஓவிய போட்டிகள் அண்மையில் நடத்தப்பட்டன. இதில் வென்ற மாணவர்களுக்கு பரிசு சான்றிதழ் கேடயங்கள் வழங்கும் நிகழ்ச்சி நடைபெற்றது. மின் உற்பத்தி மற்றும் பயிர்மான கழகம் மேற்பார்வை பொறியாளர் கே. சேகர் தலைமை வகித்தார். பிரகதாம்பாள் அரசு மேல்நிலைப் பள்ளி தலைமை ஆசிரியர் எஸ் ராஜேந்திரன், அறிவியல் இயக்கம் மாநிலச் செயலர் எஸ்.கே. பாலகிருஷ்ணன், பொதுக்குழு உறுப்பினர் மணவாளன், மின்வாரிய செயற்பொறியாளர் மா. முருகேசன் உள்ளிட்டர் கலந்து கொண்டனர்.