இந்தியா கூட்டணியின் குளச்சல் தொகுதி தேர்தல் அலுவலகம் திறப்பு 

கன்னியாகுமரி நாடாளுமன்ற தொகுதி தேர்தலையொட்டி இந்தியா கூட்டணியின் குளச்சல் சட்டசபை தொகுதி தேர்தல் அலுவலக திறப்பு நிகழ்ச்சி நேற்று நடந்தது. திங்கள்சந்தை பகுதியில் நடந்த நிகழ்ச்சியில் அமைச்சர் மனோ தங்கராஜ் சிறப்பு விருந்தினராக கலந்து கொண்டு தேர்தல் அலுவலகத்தை ரிப்பன் வெட்டி திறந்து வைத்தார். நிகழ்ச்சியில் கன்னியாகுமாரி தொகுதி காங்கிரஸ் வேட்பாளர் விஜய்வசந்த் எம் பி, நாகர்கோவில் மேயர் மகேஷ், தமிழ்நாடு காங்கிரஸ் கட்சி சட்டமன்ற தலைவர் ராஜேஷ் குமார், குளச்சல் தொகுதி தேர்தல் ஒருங்கிணைப்பாளர் பிரின்ஸ் எம்எல்ஏ ஆகியோர் சிறப்புரையாற்றினார்கள். கூட்டணி கட்சி நிர்வாகிகள் ஏராளம் பேர் கலந்து கொண்டனர்.