குமரி : வீடு புகுந்து திருடியவர் கைது - நகைகள் பறிமுதல்

நாகர்கோவில் பகுதிகளில் கடந்த சில நாட்களாக பூட்டிய வீடுகளை உடைத்து நகைகளை திருடி சென்றதாக பல்வேறு புகார்கள் எழுந்தன. இது தொடர்பான புகார்களின் பேரில் மாவட்ட காவல் கண்காணிப்பாளர் சுந்தரவதனம் உத்தரவின் பேரில் தனிப்படை அமைத்து குற்றவாளியை தேடி வந்தனர். இந்நிலையில் தனிப்படை போலீசாருக்கு கிடைத்த ரகசிய தகவலின் அடிப்படையில் திசையன் விளையை சேர்ந்த தவசிப்பால் என்பவரை பிடித்து விசாரித்தனர். விசாரணையில் அவர் திருட்டில் ஈடுபட்ட நபர் என்று தெரியவந்தது. இவர் மீது ஆரல்வாய் மொழி, பூதப்பாண்டி, கோட்டார் ஆகிய காவல் நிலையங்களில் வழக்குகள் இருப்பது தெரியவந்தது. போலீசார் அவரை கைது செய்து அவரிடமிருந்து 34 பவுன் தங்க நகை 1,125 கிராம் வெள்ளி பொருட்கள் ஆகியவற்றை பறிமுதல் செய்தனர்.