விளையாட்டு போட்டிகளில் வென்ற குமரி மாணவிகள்

கன்னியாகுமரி மாவட்ட ஆட்சியர் அலுவலகத்தில் இன்று (26.02.2024) மாவட்ட ஆட்சித்தலைவர் பி.என்.ஸ்ரீதர், பள்ளிக்கல்வித்துறை நடத்திய பாரதியார் தின நீச்சல் விளையாட்டுப் போட்டியில் 19 வயதிற்குட்பட்ட நாகர்கோவில் அண்ணா விளையாட்டு விடுதி மாணவி செல்வி கீர்த்திகா சென்னை அக்வாடிக்ஸ் காம்ளக்ஸில் 07.02.2024 முதல் 08.02.2024 வரை நடைப்பெற்ற 100 மீட்டர் (free style) நீச்சல் போட்டியில் மாநில அளவில் வெள்ளி பதக்கம் பெற்றமைக்காக வீராங்கனையினை பாராட்டினார்.

மேலும் 19வது இந்திய அளவிலான இளையோர் தடகள விளையாட்டுப் போட்டியில் கன்னியாகுமரி மாவட்டத்தைச் சார்ந்த அண்ணா விளையாட்டு அரங்க விளையாட்டு விடுதி மாணவி செல்வி கயாஸ்மி 16 வயதிற்குட்பட்ட மாணவிகள் பிரிவில் உயரம் தாண்டும் விளையாட்டுப் போட்டியில் வெண்கல பதக்கம் வென்றுள்ளமைக்கு மேற்குறிப்பிட்ட இரண்டு வீராங்களையும் மாவட்ட ஆட்சித்தலைவர் பாராட்டியதோடு, உலக அளவில் பல வெற்றிகளை பெறுமாறு வாழ்த்தினார்.

இந்நிகழ்வில் விடுதி மேலாளர் கு.வினு, பயிற்சியாளர் ஆழிவாசன், தடகளப் பயிற்சியாளர் மணிவாசன் ஆகியோர் கலந்து கொண்டார்கள். இவ்விரு மாணவிகளும் நாகர்கோவில், வெட்டூர்ணிமடம் சென்ட் அலோசியஸ் மேல்நிலைப்பள்ளியில் பயின்று வருகிறார்கள்.