முத்துமாரியம்மன் கோயிலில் கும்பாபிஷேக விழா

தருமபுரி மாவட்டம், தர்மபுரி சட்டமன்ற தொகுதி நல்லம்பள்ளி வட்டம் ஏ.ஜெட்டிஅள்ளி ஊராட்சிக்குட்பட்ட செட்டியூர் கிராமத்தில் எழுந்தருளியுள்ள அருள்மிகு ஸ்ரீ முத்துமாரியம்மன் கோயில். இக்கோயில் திருப்பணிகள் பல லட்சம் மதிப்பில் மேற்கொள்ளப்பட்டு, இதன் கும்பாபிஷேக விழா கடந்த 14-ஆம் தேதி பக்தர்களுக்கு கங்கணம் கட்டி, விழா கொடியேற்றுடன் துவங்கியது.

திரளான பெண் பக்தர்கள் கலந்து கொண்ட, தீர்த்தகுடம், பால்குடம் மற்றும் முளைப்பாலிகை ஊர்வலம் அழைப்பு நிகழ்ச்சி பம்பை வாத்தியங்கள், வானவேடிக்கை முழங்க வெகுவிமர்சியாக நடந்தது. இந்த ஊர்வலமானது, ஊரின் முக்கிய வீதிகள் வழியாக உலா வந்து, கும்பாபிஷேகம் நடைபெறும் கோயிலை வந்தடைந்தது.

இன்று கும்பாபிஷேகம் நடைபெற்ற நிலையில் தர்மபுரி சட்டமன்ற உறுப்பினர் எஸ்பி வெங்கடேஸ்வரன் சிறப்பு விருந்தினராக கலந்து கொண்டார். அவருக்கு கோவில் நிர்வாகம் சார்பில் சிறப்பு மரியாதை வழங்கப்பட்டது. இதன் நிகழ்வில் விழா குழுவினர் பாட்டாளி மக்கள் கட்சியின் நிர்வாகிகள் ஊர் பொதுமக்கள் என ஏராளமானோர் கலந்து கொண்டனர்.