திருத்தணி தணிகாசலம்மன் கோவிலில் கும்பாபிஷேக விழா

திருத்தணி அக்கைய்யநாயுடு சாலையில் உள்ள தணிகாசலம்மன் கோவிலில் மகா கும்பாபிஷேம் ஒட்டி கோவில் வளாகத்தில் மூன்று யாகசாலைகள், 108 கலசங்கள் வைத்து, கடந்த, 22ம் தேதி கணபதி மற்றும் நவகிரக ஹோமத்துடன் துவங்கியது. நேற்று முன்தினம் காலை, 9:00 மணிக்கு இரண்டாம் கால யாக சாலை பூஜையும் மாலை, 6:00 மணிக்கு மூன்றாம் கால யாக பூஜைகள் நடந்தது. நேற்று காலை, 8:00 மணிக்கு நான்காம் கால யாகசாலை பூஜைகள் அவப்ருத யாகம், மஹா பூர்ணாஹூதி நடந்தது. காலை, 9:30 மணிக்கு கலசங்கள் ஊர்வலமாக புறப்பட்டு கோவில் விமானம் மற்றும் மூலவர் அம்மன் மீது புனிதநீர் ஊற்றி மகா கும்பாபிஷேகம் நடத்தப்பட்டது. தொடர்ந்து மூலவர் அம்மனுக்கு சிறப்பு அபிஷேகம், அலங்காரம் மற்றும் தீபாராதனை நடந்தது. மாலை, 6:00 மணிக்கு உற்சவர் அம்மன் திருவீதியுலா நடந்தது.