குருந்தன்கோடு மேற்கு ஒன்றிய திமுக கூட்டம்

கன்னியாகுமரி மாவட்டம், குருந்தன்கோடு மேற்கு ஒன்றிய திமுக நிர்வாகிகள், பேரூர் செயலாளர்கள் ஆலோசனை கூட்டம் திங்கள் நகரில் நடந்தது. ஒன்றிய திமுக அலுவலகத்தில் நடந்த கூட்டத்திற்கு ஒன்றிய அவை தலைவர் ஆன்றோ சர்ச்சில் தலைமை வகித்தார். நிர்வாகிகள் இயேசு ரத்தினராஜ், முருகன், விஜயன், ஜெயசீலன் முன்னிலை வகித்தனர்.

ஒன்றிய இளைஞரணி துணை அமைப்பாளர் வழக்கறிஞர் சிசுபாலன் வரவேற்றார். கூட்டத்தில் ஒன்றிய செயலாளர் பி எஸ் பி சந்திரா சிறப்பு விருந்தினராக கலந்து கொண்டு நாடாளுமன்ற தேர்தல் குறித்து ஆலோசனைகள் வழங்கி பேசினார். நிகழ்ச்சியில் இளைய தலைமுறையினர் வரலாறுகளை தெரிந்து கொள்ளும் வகையில் கலைஞருக்கு நினைவு நினைவிடம் அமைத்த தமிழ்நாடு முதலமைச்சருக்கு நன்றி தெரிவித்தும் , மேலும் நாடாளுமன்ற தேர்தலில் இந்திய கூட்டணி சார்பில் போட்டியிடும் வேட்பாளரை அதிக வாக்குகள் வித்தியாசத்தில் வெற்றி பெற செய்யவும் தீர்மானங்கள் நிறைவேற்றப்பட்டது.