சுரங்கப்பாதையில் சிக்கிக் கொண்ட வேனால் பரபரப்பு

திருச்சி மாவட்டம் கல்லக்குடியில் உள்ள திருச்சி சிதம்பரம் தேசிய நெடுஞ்சாலை மேம்பாலத்தில் பொதுமக்களின் பயன்பாட்டிற்காக சுரங்கப்பாதை அமைக்கப்பட்டது. இந்த சுரங்கப்பாதை சிறிய அளவில் உள்ளதாக கூறப்படுகிறது. இந்நிலையில் அந்த சுரங்கப்பாதை வழியாக வேன் ஒன்று செல்லும்போது வேனின் மேற்கூரை மேம்பால சுரங்கப்பாதையில் சிக்கிக் கொண்டது. இதனால் சுரங்கப்பாதை வழியாக செல்லும் வாகனங்களால் போக்குவரத்து பாதிக்கப்பட்டது. இதனையடுத்து சுமார் ஒரு மணி நேரம் போராட்டத்திற்கு பின் வேன் மீட்கப்பட்டது.