போலி ஆவணம் தயாரித்து நிலம் மோசடி

சேலம் பெருமாம்பட்டியை சேர்ந்தவர் சிவகுமார் (வயது 50). இவர் மாவட்ட குற்றப்பிரிவு போலீசில் ஒரு புகார் கொடுத்து உள்ளார். அதில் எனக்கு சொந்தமான 1½ ஏக்கர் நிலம் பெருமாம்பட்டியில் உள்ளது. இந்த நிலத்தை 3 பேர் சேர்ந்து போலி ஆவணம் தயாரித்து அவர்களது பெயருக்கு மாற்றி மோசடி செய்துள்ளனர். இது குறித்து நடவடிக்கை எடுக்க வேண்டும். இவ்வாறு அந்த புகாரில் அவர் கூறியுள்ளார். அதன்பேரில் 3 பேர் மீது போலீசார் வழக்குப்பதிவு செய்து விசாரணை நடத்தி வருகின்றனர்.