ரூ.77 ஆயிரத்துக்கு ஏலம் போன எலுமிச்சை!

திருவண்ணாமலை மாவட்டம் கலசப்பாக்கம் அடுத்த தென்பள்ளிப்பட்டு ஊராட்சி மேட்டுப்பாளையம் கிராம ஏரிக்கரை அர்னேசா அம்மன் கோவில் கூழ்வார்க்கும் திருவிழா வெகு விமர்சையாக நடைபெற்றது. இதில் திரளான பக்தர்கள் கலந்து கொண்டு சுவாமி தரிசனம் செய்தனர். அம்மனுக்கு 3 பூ கரகம் ஜோடிக்கப்பட்டு வீதி உலா நடைபெற்றது. காப்பு கலைக்கும் நிகழ்ச்சியில் கரகத்திலிருந்த எலுமிச்சை பழம், வெள்ளி காசுகள் ஏலம் விடப்பட்டது. பக்தர் ரூ.77ஆயிரத்திற்கு ஏலம் எடுத்தார்.