விளைச்சல் அதிகரிப்பால் எலுமிச்சை விலை குறைவு

திண்டுக்கல் சிறுமலை, வெள்ளோடு, சாணார்பட்டி,அஞ்சுகுழிபட்டி,தவசிமடை உள்ளிட்ட சுற்றுவட்டார பகுதிகளில் எலுமிச்சை விளைவிக்கப்படுகிறது.இங்கிருந்து நாகல்நகர் பாலம் அருகே உள்ள சிறுமலைசெட் பகுதிக்கு கொண்டு வரப்பட்டு வியாபாரிகளால் ஏலம் எடுக்கப்படுகிறது. விளைச்சல் அதிகரித்துள்ளதால் நல்ல விலை கிடைக்கும் என விவசாயிகள் எதிர்பார்த்திருந்தனர்.இந்த நிலையில் எலுமிச்சை விலை குறைந்துள்ளது. சிறுமலை செட்டில் கடந்த மாதம் ஒரு சிப்பம் ரூ.6000த்திற்கு விற்பனையானது. தற்போது ரூ 1200 முதல் ரூ 2000க்கு விற்கபடுகிறது. விலை குறைவால் ஆள் கூலி,வண்டி, வாடகை ஏற்ற இறக்க செலவிடும் தொகை கூட கிடைக்காது என விவசாயிகள் தெரிவித்தனர்.