ஓசூர் அருகே சிறுத்தை நடமாட்டம் - வனத்துறையினர் எச்சரிக்கை

கிருஷ்ணகிரி மாவட்டம் ஒசூர் அடுத்த தேன்கனிக்கோட்டை வனப்பகுதியில் உள்ள சிறுத்தை ஒன்று அடவிசாமிபுரம், பெண்ணங்கூர், இஸ்லாம்புரம் ஆகிய கிராமங்களுக்கு இடையே உள்ள வனப்பகுதி, மல்லிகை பார்ம் ஆகிய பகுதிகளில் சுற்றி வருகிறது.. நேற்றிரவு பட்டியில் இருந்த ஆட்டினை சிறுத்தை கடித்து குதறியிருந்த நிலையில், வனத்துறையினர் சிறுத்தைகளை கண்காணிக்க கேமராக்களை பொருத்தி வருகின்றனர். பொதுமக்கள் இரவு நேரங்களில் வெளியே வர வேண்டாம், குழந்தைகளை வெளியே அனுப்ப வேண்டாமென அறிவுறுத்தி உள்ளனர்.