ஈரோடு தொகுதியை காங்கிரசுக்கு கேட்போம் - ஈ.வி.கே.எஸ் இளங்கோவன்

ஈரோடு காங்கிரஸ் கட்சி அலுவலகத்தில் ஈரோடு நாடாளுமன்ற தொகுதி காங்கிரஸ் கட்சி ஆலோசனை கூட்டம் நடைபெற்றது. இந்த கூட்டத்தில் பேசிய தமிழக காங்கிரஸ் கட்சியின் மூத்த தலைவர் ஈவிகேஎஸ் இளங்கோவன் , காங்கிரஸ் கட்சியால் இன்னும் இளைஞர்களை ஈர்க்க கூடிய நிலையை அடைய முடியவில்லை என்பதை மறந்து விடக்கூடாது என்றும் தேர்தல் முடிந்த பிறகு தமிழக காங்கிரஸ் கட்சிக்கு இளைஞர்களையும் , பெண்களையும் ஈர்ப்பது என்பதை கண்டயறிந்து அதற்கு ஏற்றாற்போல் பணியாற்ற வேண்டும் என்றார். கூட்டணியில் ஈரோடு நாடாளுமன்ற தொகுதியை காங்கிரஸ் கட்சிக்கு ஒதுக்க வேண்டும் என கேட்போம், இதில் எவ்வித மாறுதலும் கிடையாது என்ற ஈவிகேஎஸ் இளங்கோவன் , ஆனால் கூட்டணியில் நமக்கு இந்த தொகுதி கிடைக்கவில்லை என்றால் கூட்டணி வேட்பாளருக்கு இரண்டு மடங்கு உழைத்து, வேட்பாளரை வெற்றி பெற செய்ய வேண்டும் என்றார்.