நூலகம் திறப்பு மற்றும் மரக்கன்றுகள் வழங்கும் விழா

தஞ்சாவூர் மாவட்டம், பேராவூரணி அருகே, ரெட்டவயல் கடைத்தெருவில், அன்னை அமராவதி நூலகம் திறப்பு விழா மற்றும் மரக்கன்றுகள் வழங்கும் விழா, திங்கள்கிழமை காலை நடைபெற்றது.

நிகழ்ச்சிக்கு அன்னை அமராவதி அறக்கட்டளை தலைவர் முனைவர் ஆ.ஜீவானந்தம் தலைமை வகித்தார். தமிழ்நாடு மக்கள் விடுதலை இயக்கம் களச் செயலாளர் கே.வி.முத்தையா வரவேற்றார். கவிஞர் கே.கான்முகமது நூலகத்தை திறந்து வைத்தும், ரெட்டவயல் ஊராட்சி மன்றத் தலைவர் தமிழ்செல்வி கண்ணன் பொதுமக்களுக்கு மரக்கன்றுகள் வழங்கியும், வாழ்த்திப் பேசினர். நிகழ்ச்சியில், தமவிக பொதுச் செயலாளர் தங்க.குமரவேல், தமிழ்நாடு விவசாயிகள் சங்கம் வீ.கருப்பையா, விவசாயத் தொழிலாளர்கள் சங்கம் வ.ராஜமாணிக்கம், சமூக ஆர்வலர் வீரக்குடி ராசா, திராவிடர் கழகம் ப.மகாராசா, ஆசிரியர்கள் வீர.சந்திரசேகரன், ச.இளையராஜா, சு.தமிழ்செல்வன் மற்றும் கிராமப் பிரமுகர்கள், அனைத்து கட்சி நிர்வாகிகள் உள்ளிட்ட பலர் கலந்து கொண்டு பேசினர். நிறைவாக, அறக்கட்டளை உறுப்பினர் அமரா அழகு நன்றி கூறினார். இதில், மரக்கன்றுகளை சிறப்பாக வளர்க்கும் பொதுமக்களுக்கு பரிசுகள் வழங்கப்படும் என அறிவிக்கப்பட்டது.