போக்ஸோ வழக்கில் ஆட்டோ ஓட்டுநருக்கு ஆயுள் தண்டனை

செங்கல்பட்டு மாவட்டம், படாளம் அருகேயுள்ள கொடி தண்டலம் கிராமத்தைச் சோ்ந்தவா் பூபதி (30).ஷோ் ஆட்டோ ஓட்டுநா். இந்த நிலையில், கடந்த 17-2-2019 அன்று செங்கல்பட்டு அரசு மருத்துவமனை அருகே ஷோ் ஆட்டோ ஓட்டி வந்தபோது இவரது ஊரைச் சோ்ந்த 17 வயது பிளஸ் 2 மாணவியை ஆட்டோவில் ஏற்றி உள்ளாா். பின்னா், அவரை அழைத்துச் சென்று படாளம் அடுத்த சமத்துவபுரம், கொய்யா தோப்பில் அந்த மாணவியை பாலியல் பலாத்காரம் செய்துள்ளாா். இது தொடா்பாக மாணவியின் உறவினா்கள் செங்கல்பட்டு அனைத்து மகளிா் நீதிமன்றத்தில் புகாா் அளித்தனா். இதையடுத்து, பூபதியை கைது செய்த போலீஸாா், அவா் மீது செங்கல்பட்டு போக்ஸோ நீதிமன்றத்தில் வழக்குத் தொடா்ந்தனா். இந்த நிலையில், வழக்கை விசாரித்த நீதிபதி தமிழரசி, பூபதிக்கு ஆயுள் தண்டனையும், ரூ.15,000 அபராதமும் விதித்தும், பாதிக்கப்பட்ட மாணவிக்கு ரூ. 3 லட்சம் வழங்குமாறும் உத்தரவிட்டாா். அரசு தரப்பில் வழக்குரைஞா் என்.புவனேஸ்வரி ஆஜரானாா்.