சாராயம் மற்றும் வெல்லம் பறிமுதல் - இருவரை கைது செய்த போலீஸ்!

வேலூர் காவல் உட்கோட்டம் கோவிந்தரெட்டிபாளையம் பகுதியில் பாகாயம் காவல் நிலைய போலீசார் மற்றும் வேலூர் மாவட்ட தனிப்படை போலீசார் ரோந்து பணியில் இருந்தனர். அப்போது அந்தப் பகுதி வழியாக இரு டூவீலர்களில் விற்பனைக்காக 3 லாரி ட்யூப்களில் கடத்திவரப்பட்ட 105 லிட்டர் கள்ளசாராயம் மற்றும் கள்ள சாராயம் காய்ச்ச அதே பகுதியில் பதுக்கி வைக்கப்பட்டிருந்த சுமார் 510 கிலோ வெல்லம், கடத்தலுக்கு பயன்படுத்தப்பட்ட இரு டூவீலர்கள் ஆகியவற்றை போலீசார் பறிமுதல் செய்தனர். பின்னர் சாராயம் கடத்தி வந்த கோவிந்தரெட்டிபாளையம் பகுதியை சேர்ந்த சதீஷ் மற்றும் 18 வயது உட்பட்ட ஒருவர் என இருவரை கைது செய்த போலீசார் வியாழக்கிழமை காலை 11 மணியளவில் நீதிமன்றத்தில் ஆஜர்படுத்தினர். பின்னர் இருவரையும் நீதிமன்ற காவலில் அடைக்க நீதிபதி உத்தரவிட்டதை தொடர்ந்து இருவரும் வேலூர் மத்திய சிறையில் அடைக்கப்பட்டனர்.