முசிறியில் மது விற்றவர் கைது

திருச்சி மாவட்டம். முசிறி சிறப்பு காவல் உதவி ஆய்வாளர் சதாசிவம் தனது குழுவினருடன் பல்வேறு பகுதிகளில் ஆய்வு மேற்கொண்டார். அய்யம்பாளையம் காவிரி ஆறு பகுதியில் ஆய்வு மேற்கொண்ட போது பெற்றோர் சத்திரம் பகுதியைச் சேர்ந்த சேகர் ( 57 ) என்பவர் சட்டவிரோதமாக அரசு மதுபானங்களை விற்பதை கண்டுபிடித்தார். இதையடுத்து அவரை கைது செய்தார். அவரிடமிருந்து மது பாட்டில்களை பறிமுதல் செய்தார். அவர் மீது வழக்குப்பதிந்து விசாரணை செய்து வருகிறார். இச்சம்பவம் அப்பகுதியில் பரபரப்பை ஏற்படுத்தியது.