விழுப்புரத்தில் பூட்டை உடைத்து லேப்டாப் திருட்டு

விழுப்புரத்தில் வீட்டின் பூட்டை உடைத்து லேப் டாப் உள்ளிட்ட பொருள்களை மர்ம நபர்கள் திருடிச் சென்றனர். விழுப்புரம் அருகே சாலாமேடு வீட்டு வசதி வாரிய குடியிருப்பு பகுதியை சேர்ந்தவர் லார்துசாமி மகன் ஜான்பெனிடோ(40) தனியார் நிறுவன ஊழியர். இவர், நேற்று முன்தினம் காலை தனது வீட்டை பூட்டிக்கொண்டு வேலைக்கு சென்றிருந்தார்.

வீட்டில் ஆளில்லாததை நோட்டமிட்டிருந்த மர்ம நபர்கள், வீட்டின் பூட்டை உடைத்து உள்ளே புகுந்து, அங்கிருந்த லேப்டாப் மற்றும் வீட்டு உபயோக பொருள்களை திருடிச்சென்றுள்ளனர். இது குறித்து, ஜான்பெனிடா அளித்த புகாரின் பேரில், விழுப்புரம் தாலுகா போலீசார் விரைந்து சென்று, வீட்டில் கைரேகை, தடயங்களை சேகரித்து, திருட்டு சம்பவம் குறித்து விசாரணை நடத்தினர்.