நல்லம்பள்ளி அருகே 2 வீடுகளின் பூட்டை உடைத்து நகை பணம் திருட்டு

தர்மபுரி மாவட்டம், நல்லம்பள்ளி வட்டத்துக்கு உட்பட்ட சாமிசெட்டிப்பட்டி கிராமத்தைச் சேர்ந்தவர் மாது இவர் டீக்கடை வைத்துள்ளார். நேற்று முன்தினம் பூட்டி விட்டு டீக்கடைக்கு சென்றுள்ளார். பின்னர், மீண்டும் வந்த போது வீட்டின் பூட்டு உடைக்கப்பட்டு, கதவு திறந்து கிடந்தது கண்டு அதிர்ச்சியடைந்தார். உள்ளே சென்று பார்த்த போது, பீரோவில் வைத்திருந்த 3 ஆயிரம் ரொக்கம், 8 பவுன் நகைகள் திருடு போயிருந்தது. இதேபோல் ஏலகிரி அருகே கோகனஅள் ளியைச் சேர்ந்தவர் விவசாயி முருகன். இவர் கடந்த நேற்று முன்தினம் வீட்டை பூட்டி விட்டு ரேஷன் கடைக்கு சென்றார். பொருட்களை வாங்கிக் கொண்டு மீண்டும் வீட்டுக்கு வந்தபோது, வீட்டின் பூட்டு உடைக்கப்பட்டு கதவு திறந்து கிடந்தது கண்டு அதிர்ச்சியடைந்தார், உள்ளே சென்று பார்த்தபோது பீரோவில் வைத்தி ருந்த 7 பவுன் நகைகள் மற்றும் 2,500 ஆகியவற்றை மர்மநபர்கள் திருடிச்சென்றது தெரிய வந்தது. இதுகுறித்து இருவரும் நேற்று மாலை தொப்பூர் காவல் நிலையத்தில் அளித்த புகாரின் பேரில், தொப்பூர் காவல் நிலையத்தில் வழக்குபதிவு செய்து,விசாரணை நடத்தி வருகின்றனர்