மத்திய பாதுகாப்பு படை வீரர்கள் அணிவகுப்பு

லோக்சபா தேர்தலையொட்டி கள்ளக்குறிச்சி மாவட்டத்தில் உள்ள வாக்காளர்கள் எவ்வித அச்சமுமின்றி தேர்தலில் ஓட்டளிக்கவும், தேர்தல் பாதுகாப்புக்காவும் மத்திய தொழிற்பாதுகாப்பு படை உதவி கமாண்டர் தாவூத் தலைமையில், மத்திய பாதுகாப்பு படை வீரர்கள் 90 பேர் வருகை புரிந்துள்ளனர். இவர்கள், கள்ளக்குறிச்சி மற்றும் தியாகதுருகம் பகுதியில் நேற்று கொடி அணிவகுப்பு நடத்தினர். இதில், கள்ளக்குறிச்சியில் நடந்த பாதுகாப்பு படையினரின் அணிவகுப்பு ஊர்வலத்திற்கு டி.எஸ்.பி., தேவராஜ் தலைமை தாங்கி, துவக்கி வைத்தார். அண்ணாநகர் பகுதியில் இருந்து இருந்து நான்குமுனை சந்திப்பு வழியாக கோட்டைமேடு வரை ஊர்வலமாக சென்றனர். அப்போது, இன்ஸ்பெக்டர் ஆனந்தன், சப்-இன்ஸ்பெக்டர் சிவச்சந்திரன் உட்பட உள்ளூர் போலீசார் பலர் உடனிருந்தனர்.