பைக் மீது லாரி மோதி விபத்து - இளைஞர் உயிரிழப்பு

திருவண்ணாமலை மாவட்டம் வேட்டவலம் பாரதிதாசன் தெருவைச் சேர்ந்தவர் பிரவீன் குமார் (22).அதே பகுதியைச் சேர்ந்தவர் ஸ்ரீநாத் (22). நண்பர்களான இருவரும் கடந்த 15-ம் தேதி மாலை வேட்டவலம் விழுப்புரம் சாலையில் பைக்கில் சென்றனர். அப்போது முனீஸ்வரன் கோவில் அருகே சென்றபோது விழுப்புரத்தில் இருந்து திருவண்ணாமலை நோக்கி வந்த சரக்கு லாரி, பைக் மீது மோதியது. இதில் படுகாயம் அடைந்த இருவரையும் சிகிச்சைக்காக திருவண்ணாமலை அரசு மருத்துவக் கல்லூரி மருத்துவமனையில் சேர்த்தனர். பின்னர் ஸ்ரீநாத் மேல் சிகிச்சைக்காக சென்னை ராஜீவ் காந்தி மருத்துவமனைக்கு மாற்றப்பட்டார். அங்கு அவரது வலது கால் அகற்றப்பட்டது.தொடர் சிகிச்சை பெற்று வந்த அவர் சிகிச்சை பலனின்றி உயிரிழந்தார்.இதுகுறித்து வேட்டவலம் சிறப்பு எஸ்.ஐ காமராஜ் வழக்கு பதிவு செய்து விசாரணை நடத்தி வருகிறார்.