பற்றி எரிந்த லாரி - ரூ.25 லட்சம் சேதம்!

தூத்துக்குடி மாவட்டம், குரும்பூர் அருகே மூலக்கரை கிராமம், கந்தன் குடியிருப்பைச் சேர்ந்தவர் பூவலிங்கம் மகன் சிவாஜி (41). இவர் சொந்தமாக டிப்பர் லாரி ஓட்டி தொழில் செய்து வருகிறார். நேற்று ஸ்ரீவைகுண்டம் அருகே பேட்மாநகர் பகுதியில் சென்றபோது லாரி இன்ஜினில் திடீரென புகை வந்துள்ளது. இதனால் அவர் லாரியை நிறுத்தி பார்த்தபோது சிறிது நேரத்தில் தீ மளமளவென பரவி லாரி முழுமையாக எரிந்துள்ளது. இதனால் ரூ.25லட்சம் சேதம் ஆகியுள்ளது. இதுகுறித்து ஸ்ரீவைகுண்டம் காவல் நிலைய சப் இன்ஸ்பெக்டர் ரேணுகா வழக்குப் பதிந்து விசாரணை நடத்தி வருகிறார்.