வெளிநாட்டு மொழிப்பயிற்சி பெற வேண்டுமா

அயலகத் தமிழர் நலன் செவிலியர்களுக்கான வெளிநாட்டு வேலைவாய்ப்புகள் ஓவர்சீஸ் மேன்பவர் கார்ப்பரேசன் லிமிடெட் நிறுவனத்தினால் அயல்நாட்டு மொழிகள் பயிற்சி அளிப்பதற்கு விருப்பமுள்ள நபர்கள் ஆன்லைனில் பதிவு செய்து கொள்ளலாம்.

ஓவர்சீஸ் மேன்பவர் கார்ப்பரேசன் லிமிடெட் (OMCL) என்ற நிறுவனமானது 30.11.1978 ஆம் ஆண்டு உருவாக்கப்பட்டு இந்திய கம்பெனிகள் சட்டம் 1956 ன் கீழ் பதிவு செய்யப்பட்டுள்ளது. மேலும் (OMCL) ஆனது மாநில பொதுத்துறையாக செயல்படுகிறது. மேலும் முதன் முறையாக (OMCL) ஆனது அயல்நாடுகளில் வளர்ந்துவரும் வேலைவாய்ப்பினை கருத்திற் கொண்டு அயல்நாடுகளுக்கு வேலைக்காக செல்பவர்களுக்காக வெளிநாட்டு மொழிப் பயிற்சி குறிப்பாக ஜப்பான் மற்றும் ஜெர்மன் போன்ற மொழிகளில் இலவசமாக பயிற்சி அளிக்க முயற்சி மேற்கொண்டுள்ளது. எனவே மேற்படி பயிற்சினை பெற விரும்பும் விண்ணப்பதாரர்கள் (OMCL)ன் இணையதளமான www.omcmanpower.tn.gov.in செய்ய அறிவுறுத்தி சுகாதாரத்துறை அலுவலர் களுடன் இணைந்து ஊடகங்களில் பரப்புரை செய்ய வேண்டும் என தெரிவிக்கப்பட்டுள்ளது.

எனவே மதுரை மாநகராட்சி பகுதிகளில் உள்ள செவிலியர்களுக்கு ஓவர்சீஸ் மேன்பவர் கார்ப்பரேசன் லிமிடெட் (OMCL) நிறுவனத்தின் சார்பில் வெளிநாட்டு மொழிப்பயிற்சி இலவசமாக பெறுவதற்கு ஆன்லைனில் பயிற்சி அளிக்கப்பட உள்ளது. மேற்கண்ட நிறுவனத்தின் இணையதளத்தில் பதிவு செய்து பயிற்சினை பெற்றுக் கொள்ளுமாறு மதுரை மாநகராட்சியின் சார்பில் தெரிவித்துக் கொள்ளப்படுகிறது.