பள்ளிப்பட்டு அருகே மஹா கும்பாபிஷேக விழா

திருவள்ளூர் மாவட்டம், பள்ளிப்பட்டு அருகே நொச்சிலி ஊராட்சி காப்பூர் கண்டிகை கிராமத்தில் அருள்மிகு நாகாலம்மனுக்கு புதிதாக கோயில் கட்டப்பட்டுள்ளது. புதன்கிழமை முதல் வெள்ளிக்கிழமை வரை மூன்று நாட்கள் நடைபெற்ற மஹா கும்பாபிஷேக விழாவை யொட்டி திருக்கோயில் மற்றும் கிராம வீதிகள் வண்ண விளக்குகளால் அலங்கரிக்கப்பட்டிருந்தது.

திருக்கோயில் வளாகத்தில் யாகசாலைகள் அமைக்கப்பட்டு நித்திய ஹோம் குண்ட பூஜைகள் நடைபெற்றது. இன்று காலை மஹா பூர்ணாஹுதி ஹோம பூஜைகள் தொடர்ந்து மேளதாளங்கள் முழங்க புனித நீர் கலசங்கள் புறப்பாடு நடைபெற்று கோபுர கலசத்திற்கு புனித நீரால் மஹா கும்பாபிஷேகம் நடைபெற்றது. திருக்கோயில் நிர்வாகம் சார்பில் பொதுமக்கள் அனைவருக்கும் அன்னதானம் வழங்கப்பட்டது. கிராம மக்கள் சார்பாக விழா ஏற்பாடுகளை சிறப்பாக செய்திருந்தனர்.