மல்லசமுத்திரம் : மக்களுடன் முதல்வர் சிறப்பு முகாம்

மல்லசமுத்திரம் டவுன் பஞ்சாயத்து, சந்தைபேட்டையிலுள்ள தனியார் மண்டபத்தில் நேற்று நடந்த மக்களுடன் முதல்வர் சிறப்பு முகாமிற்கு, டவுன்பஞ்சாயத்து தலைவர் திருமலை தலைமை வகித்து குத்துவிளக்கு ஏற்றிவைத்தார். இதில், வருவாய், நகராட்சி நிர்வாகம், ஆதிதிராவிடர், பிற்படுத்தப்பட்டோர், மின்சாரம், போலீஸ், தொழிலாளர் நலன், மாற்றுதிறனாளிகள், வேலைவாய்ப்பு, கூட்டுறவு உள்ளிட்ட பல்வேறு துறை சார்ந்த அதிகாரிகள் கலந்துகொண்டு, துறை சார்ந்த திட்டங்கள் குறித்து எடுத்துரைத்தனர். திருச்செங்கோடு எம்.எல்.ஏ.,ஈஸ்வரன், சமூக பாதுகாப்புதுறை தாசில்தார் ஜானகி, செயல் அலுவலர் ராஜசேகர் உள்பட பலர் கலந்துகொண்டனர்.