முதியவரை தாக்கிய நபர் கைது !

மூங்கில்துறைப்பட்டு அருகே கோவில் திருவிழாவின்போது, முதியவரை தாக்கிய நபரை போலீசார் நேற்று கைது செய்தனர். மூங்கில்துறைப்பட்டு அடுத்த ரங்கப்பனுார் கிராமத்தை சேர்ந்தவர் அன்பழகன், 62. இவர் அதே பகுதியில் உள்ள முருகன் கோவில் திருவிழாவின்போது, நேற்று முன்தினம் தேரின் உதிரிப் பாகங்களை கழட்டிக் கொண்டிருந்தார். அப்போது அங்கு வந்த அதே ஊரைச் சேர்ந்த சன்னியாசி மகன் வேலு 40, என்பவர் 'உங்களுக்கு இங்கு என்ன வேலை' எனக் கேட்டு, அவரை ஆபாசமாக திட்டி, தாக்கி, கொலை மிரட்டல் விடுத்துச் சென்றார். இது குறித்து அன்பழகன் வடபொன்பரப்பி காவல் நிலையத்தில் புகார் அளித்தார். அதன், பேரில், போலீசார் வழக்குப் பதிந்து, வேலுவை நேற்று கைது செய்தனர்.