வீடு புகுந்து திருடிய நபர் கைது !

ஊத்தங்கரை அருகே உள்ள கல்லூர் பகுதியில் வீடு புகுந்து திருடிய நபர் கைது. கிருஷ்ணகிரி மாவட்டம் ஊத்தங்கரை காவல் நிலைய எல்லைக்கு உட்பட்ட கல்லூர் கிராம பகுதியை சேர்ந்தவர் தாமோதரன் இவரது வீட்டில் கடந்த 16.02.2024 1: 45 மணி அளவில் வீட்டின் கதவை உடைத்து வீட்டிலிருந்த பீரோவினை உடைத்து அதிலிருந்த தங்க நகை மற்றும் வெள்ளி ஆபரணங்களை திருடி சென்றனர். இதனை தொடர்ந்து ஊத்தங்கரை காவல் நிலையத்தில் புகார் அளித்த நிலையில் ஊத்தங்கரை குற்ற புலனாய்வு காவல்துறையினர் விசாரணை மேற்கொள்கையில் திருவண்ணாமலை மாவட்டம் கீழ்பெண்ணாந்தூர் காவல் நிலைய எல்லைக்குட்பட்ட மலையானூர் கிராமப் பகுதியை சேர்ந்த சதீஷ் வயது 30 தகப்பனார் பெயர் மணி என்பவரை தேடி வந்த நிலையில் திருவண்ணாமலை மாவட்டம் கீழ்பெண்ணாத்தூர் காவல் நிலையத்தில் மற்றொரு வழக்கில் கைது செய்து வேலூர் மத்திய சிறையில் அடைக்கப்பட்ட குற்றவாளியை நீதிமன்ற காவலில் விசாரணைக்கு ஊத்தங்கரை காவல் நிலையத்திற்கு அழைத்து வந்து விசாரணை மேற்கொள்கையில் ஊத்தங்கரை காவல் நிலைய எல்லைக்குட்பட்ட கல்லூர் பகுதியில் வீடு புகுந்து திருடிய நபரும் இவர்தான் என்பது உறுதி செய்யப்பட்டது. இந்த நிலையில் ஊத்தங்கரை காவல்நிலையத்தில் வழக்குப்பதிவு செய்து அவரை மீண்டும் வேலூர் மத்திய சிறையில் அடைத்தனர்.