மது பதுக்கி விற்பனை செய்த நபர் கைது

தர்மபுரி மாவட்டம், அரூர் சட்டமன்ற தொகுதிக்குட்பட்ட கிருஷ்ணாபுரம் காவல் நிலைய உதவி காவல் ஆய்வாளர் செல்வராஜ் தலைமையிலான காவலர்கள் சி.மோட்டூப்பட்டி புளுதிக்கரை பகுதியில் ரோந்து பணியில் ஈடுபட்டிருந்தனர். அப்போது அப்பகுதியில் டூவீலருடன் நின்று கொண்டிருந்த 2 பேரை காவலர்களை பார்த்ததும் தப்பியோடினர். இதைத் தொடர்ந்து காவலர்கள் ஒருவரை மடக்கி பிடித்தனர். விசாரணையில், அவர் சோலைக்கொட்டாய் பகுதியைச் சேர்ந்த கோவிந்தராஜ் என்பதும் மதுபாட்டில்களை மொத்தமாக வாங்கி பதுக்கி வைத்து, அதிக விலைக்கு விற்றதும் தெரியவந்தது. இதையடுத்து, கிருஷ்ணாபுரம் காவல் துறையினர் வழக்கு பதிவு செய்து கோவிந்தராஜை கைது செய்தனர். அவரிடமிருந்து 53 மது பாட்டில்கள் மற்றும் டூவீலர் கைப்பற்றப்பட்டது. மேலும், தப்பியோடிய மற்றொரு வரை தேடி வருகின்றனர்.