நன்னிலம் அருகே கஞ்சா விற்பனை செய்த நபர் கைது

நன்னிலம் போலீசார் நன்னிலம் சுற்று வட்டார பகுதியில் ரோந்து பணியில் ஈடுபட்டனர். அப்போது திருக்கண்டீஸ்வரம் முடிகொண்டான் ஆற்றுப்பாலம் அருகே சந்தேகப்படும் வகையில் நின்று கொண்டிருந்த ஒருவரை பிடித்து விசாரணை நடத்தினர். விசாரணையில் அவர் நன்னிலம் பகுதியைச் சேர்ந்த கோவிந்தவேல் என்பதும் அவர் கஞ்சாவை பதுக்கி விற்பனை செய்ததும் தெரியவந்தது. இது குறித்து போலீசார் வழக்கு பதிவு செய்து கோவிந்தவேலை கைது செய்து அவரிடமிருந்து 100 கிராம் கஞ்சாவை பறிமுதல் செய்தனர்.