பைக்கில் சென்றவரிடம் போன் பறித்தவர் கைது

தேனியைச் சேர்ந்தவர் ஹரிகரன், 20. திருவேற்காடு, பல்லவன் நகரில் தங்கி, தனியார் நிறுவனத்தில் வேலை செய்து வருகிறார். நேற்று முன்தினம் இரவு, வேலை முடித்து பைக்கில் வீட்டிற்கு சென்றார். பல்லவன் நகர் அருகே வந்தபோது, 'ஹீரோ ஹோண்டா' பைக்கில் வந்த மர்ம நபர், ஹரிகரனிடம் இருந்து 'விவோ' மொபைல் போனை பறித்து அங்கிருந்து தப்பினர். இதையடுத்து, நேற்று காலை நண்பர்கள் மொபைல் போனில் இருந்து தொடர்பு கொண்டதற்கு, 5,000 ரூபாய் கொடுத்தால், மொபைல் போனை திரும்பி தருவதாக கூறியுள்ளார். விசாரித்த திருவேற்காடு போலீசார், காவிரி நகரைச் சேர்ந்த பெரியதுரை, 22, என்பவரை கைது செய்தனர்.