சின்னமனூரில் 5 இருசக்கர வாகனங்களை திருடியவர் கைது

சின்னமனூரில் ஐந்து இருசக்கர வாகனங்களை திருடிய வரை காவல்துறையினர் நேற்று கைது செய்தனர் தேனி மாவட்டம் சின்னமனூரில் கடந்த சில நாட்களாக இருசக்கர வாகனங்கள் திருடு போவதாக தொடர்ந்து புகார் வந்தன. இதனை அடுத்து சின்னமனூர் காவல் ஆய்வாளர் சுப்பிரமணிய தலைமையில் உதவி ஆய்வாளர்கள் கோதண்டராமன் மாயன் சிறப்பு உதவி ஆய்வாளர் இளங்கோவன் ஆகியோர் கொண்ட தனிப்படை போலீசார் தீவிர விசாரணை நடத்தினர். இதில் இரு சக்கர வாகனங்களை திருடியது சின்னமனூர் அருகே உள்ள கன்னிச் சேர்வை பட்டியை சேர்ந்த தங்கராஜ் மகன் பாக்கியராஜ் என்பது தெரிய வந்தது போலீசார் அவரை கைது செய்து ஐந்து இருசக்கர வாகனங்களையும் பறிமுதல் செய்தனர்.